Sino nga ba si Ina sa ating mga buhay
Siya ba’y isang babaeng sa ati’y nagaalay
Isinasakripisyo niya ang sariling kagustuhan
Upang makamit natin ang ating inaasam
Oras niya ay hindi ipinagdamot
Upang tayo’y kanyang maabot
Itinuro niya ang tamang daan
Mga tamang bagay na dapat matutunan
Kapaguran ay di niya alintana
Sakit ng katawa’y binabaliwala
Lahat ng imposible sa kanya’y posible
Lahat ng bagay sa kanya ay simple
Sino kayang mabuhay ng wala si Ina
Na magaaruga sa atin sa tuwina
Magmamahal sa atin at magpapahalaga
Ibinigay satin ng diyos at itinalaga
Mahalin natin si ina habang siya’y nandito pa
Pasiyahin at pagpahingahin natin siya
Upang sa araw ng kanyang paglisan
Bitbit niya ang ala-ala sa ating tahanan
No comments:
Post a Comment