Sadyang ‘di maikakaila
Na Ika’y kahanga-hanga
Tunay na walang kaparis
Pagmamahal mong kay tamis
Simula ng aking pagkabata
Sa pagbigkas ng unang salita
Dulot mo ay kalinga
O Mahal kong ina!
Sa tuwing magkakagalos
Gamot ko’y iyong haplos
Anumang sakit ang dinanas
Pagmamahal mo ang syang lunas
Minsan ng hindi nagtapat
Kung kaya’t napalo ng patpat
Dahil bata pa’y, pilit sumabat
Bagamat hindi nararapat
Kung maibabalik ko lang
Panahong ika’y ‘di iginalang
Ito’y aking gagawin
At ikaw ay susundin
O Ilaw ng aking buhay!
Na sa aki’y patuloy na gumagabay
Pagmamahal ko ang syang igagawad
Hanggang sa ika’y magkaedad
Salamat Panginoon!
Magdaan man, mahabang panahon
Saan man sya pumaroon
Pagmamahal nya’y aking ibabaon
No comments:
Post a Comment